ONCEk etengabe aldarrikatzen du garapen bidean dauden herrialdeetako haur itsuen hezkuntzarako eskubidea, herrialde horietako haur gehienek ia ez daukatelako oinarrizko alfabetatzea bera izateko aukerarik. Ikusmen Urritasuna duten Pertsonen Hezkuntzarako Nazioarteko Kontseiluan parte hartu du erakundeak, eta «Hezkuntza guztiontzat» izeneko munduko kanpainaren buru izan da, zuzenean UNICEF eta UNESCO erakundeen laguntza jasota.

Horretaz gain, Espainiako zenbait erakunderen lankidetzari esker, Saharako errefuxiatu esparruetako haur itsuen aldeko hezkuntzako lankidetza proiektua gauzatu du, eta antzeko ekimena bideratu du Balkanetan (Tirana, Belgrad, Sarajevo, Derventa).