Web de la ONCE

Estás en:

Zer da ONCE

Gaur egun ONCE gisa ezagutzen dena 1938an martxan jarri zen, eta horretarako ilusioz beteriko energia izan da erabili den erregai nagusia. Ez da txaubinismoa. 2013an 75 urte betetzen ditu Erakundeak, eta denbora horretan pertsona itsu edota ikusmen urritasun larria dutenei zuzendutako beste inon ez dagoen giza eskeintza sistema eratu du.

Erakunde gubernamentala da, hainbat ministeritza eta ONCE artean osatutakoa, bere helburu sozialen eta aldaketa sozial, politiko eta ekonomikoen aurrean egokitze progresiboaren alde egite duena.

Energia iturri horri- ilusioa alegia- esker, 1988an proiektu handi bati ateak zabaldu zizkion; 2013an bere 25. urtebetzea ospatzen duen pertsona desgaituen lankidetza eta gizarteratzearen aldeko ONCE Fundazioa. Denbora honetan ONCE Fundazioak pertsona desgaituentzako 80.000 lan postu sortu ditu. Egun pertsona desgaituen gizarteratzearen alde ekiten duen erakunde taldea osatzen dute ONCE eta bere Fundazioak.

Bestelako ekimen solidarioak

Urteen poderioz, erakundeak bestelako solidaritate ekimenak martxan jarri ditu. 1988an sortutako Latinoamerikako pertsona itsuen arretarako ONCE Fundazioa (FOAL) horren eredu garbia da. Egun Latinoamerikako 19 herritan formazio eta enplegu proiektuak garatzen ditu. 2007an ere pertsona goritsuen arretarako ONCE Fundazioa (FOAPS) ere sortu zen.       

Bien bitartean, Europear Batasunaren baitan ONCEk eta bere Fundazioaren harremanak sendotuz doaz politika komunitarioen alorrean desgaitasunak gero eta presentzia handiago eduki dezan. Munduko gainontzeko desgaitasunaren alorreko beste erakundeekin batera lorpen garrantzitsuak egin ditu, besteak beste Pertsona Desgaituen Eskubideei buruzko NBEren Hitzarmena (New Yorken, NBEko egoitzan, 2006ko abenduaren13an onartutako protokoloa), baita pertsona desgaituen enplegu edota irisgarritasunari buruzko araudi europearraren eztabaidatan agertutako tesiei esker ere. Komisario europearrek azken urtetan Espania bisitatzean ONCE eta bere Fundazioarekin ere bildu dira. ONCE eta bere Fundazioaren eskutik eraikitako gizarteratze ereduak jakin mina piztu du Europa Komunitarioaren baitan. 

Hirugarren Sektorearekin bat eginik

Bai Europan zein Espanian egitura sozialen eraldaketak handiak izan dira, ondorioz ONCEk jaio berri den eta askorentzako hain garrantzitsua den Hirugarren Sektorea izena duen eredu sozial eta ekonomikoari so egin dio. Kanporaketa arriskuan dauden bederatzi milioi pertsona ordezkatzen duen plataforma da, bertan elkarte zibilek, pertsona desgaituen mugimenduek, fundazioek eta eskubide sozialak babesteko politika bateratzaileak eskatzen dituztenek eskua eman diote elkarri.

Informazio gehiago...